top of page
Bei der Generalversammlung vun der Fédération Luxembourgeoise de Handball (FLH) den
8. Februar 1975
gouf eisen Handballveräi Miersch offiziell an d'Lëscht vun der Handballfamill opgeholl.
Dëst gouf an enger Grënnungsversammlung den 11. Juli 1975 am Café Hanten zu Miersch duerch ee Kommitee an d'Virstellung vun zwou Ekippen, de Minimes an den Hären, confirméiert.
Den éischte Kommitee huet sech aus follgende handballbegeeschterte Persounen zesummegesat:
-
Präsident: Här Michel Goergen †
-
Vizepräsident: Här Kap Albert †
-
Sekretär: Här Jean-Marie Wilwers
-
Kassierer: Här Jean-Pierre Reckinger
-
Membere: Här Jean-Claude Breyer, Här René Neyens
-
Déi éischt Lizenz bei de Männer krut 1975 den Egon Jank †.
Am Abrëll 1977 gouf eng Dammekipp gegrënnt.
Déi éischt Lizenz bei den Damme krut 1977 d'Sylvie Bourg.
An der Generalversammlung vum 12. Juli 2021 – also een Dag a 46 Joer no der Grënnung – gouf beschloss, dem HB Mersch 75 eng nei Corporate Identity ze ginn. Am Kader vun dësem Beschloss krut de Veräin eng zäitgeméiss nei Bezeechnung: Aus „Handball Club Mersch 75“ gouf „MERSCH75“. Den Zousaz „Handball Club“ ka weiderhi benotzt ginn, ass awer net obligatoresch en Deel vum Numm. Esou gouf och de Veräinslogo grondleeënd moderniséiert, fir deen neien Optrëtt och visuell ze ënnersträichen.
---------------------->
bottom of page